47歲嘅鍾淑慧，因為老公吳岱融最近人氣急升嘅帶挈下，佢都獲得馬來西亞嘅美品產品垂青，邀請佢出山做代言人，真係兩公婆同心合力，一於賺晒你哋啲錢！講起錢，都真係有錢駛得鬼推磨，過去好多美容品牌都會大灑金錢，邀請藝人任代言人，務求為產品打嚮名堂。
鍾楚紅
09年，當時已經49歲嘅紅姑，雖然已經神隱多年，但就被Reenex膠原自生中心邀請佢做代言人，當時仲搵咗佢嘅老拍檔張文華拍攝廣告照。
江美儀
13年，年屆44歲嘅江美儀，因為《衝上雲霄II》同馬國明發展咗一段「母子戀」後，人氣急升，之後俾張兆輝嘅美容公司，邀請佢做代言人，當時江美儀仲大騷事業線添！
楊思琦
要獨力養女嘅思琦妹，離開大台後，就要中港兩地飛賺錢養女，去年仲得到美容公司同佢續約，穩袋七位數酬勞，佢仲化身為天使大騷事業線咁拍廣告照。
鍾嘉欣
嘉欣BB去年底喺加拿大嫁咗俾梁乃鵬個姪兼脊醫Jeremy Leung後，冇幾耐佢就宣佈埋有咗BB，咁就一直喺加拿大安胎，但身為護膚品牌代言人嘅嘉欣BB，就係分娩之前就係品牌嘅FB，幫品牌宣傳，真係認真唔話得。