K-Pop再流行，但於日劇年代成長的80後，對日本文化仍有情意結。不少80後陸續踏上置業階梯，溫潤木質紋理配襯淡黃燈光，狹小斗室營造舒適愜意感覺，正是理想和式蝸居。同是80後的蔡志榮看中這市場，設樓上傢俬舖COME IN'，拒絕連鎖店式倒模，主打優質日本木製傢俬及木造精品小物，冀引進簡約日式生活態度。
原本從事平面設計的阿榮，6年前走出comfort zone，與拍檔趁樓上店熱潮開設樓上傢俬舖，「嗰時買傢俬選擇唔多，得啲大型連鎖店，但好多人都想買特別啲嘅嘢」，以款色特別的木製傢俬為賣點，「因為木傢俬天然易襯，放10年20年亦唔容易過時」。
有別於街舖追求多元化，店內所售傢俬大部份從日本進口。他指顧客多為26至40歲的人，成長在日劇最盛行的年代，對日本文化有情意結，「會覺得日本嘢好有型」。而較小巧的日式傢俬比歐美設計更適合港人狹小生活空間，「好似東京咁其實（空間）同香港差唔多」。集體回憶概念帶動生意額連年上升，高𥧌期單月銷售額可達7位數字。
人手製 存貨不多
阿榮稱日本傢俬做工細緻，但要取得代理首要展示誠意，往往要飛抵當地親身交涉；但一旦開展合作，對方即會全力配合，「一同佢講件貨有問題就馬上寄過第二件嚟」，絕不拖泥帶水。除對品質有追求，日本商家連擺放商品都要過問，「有時影張相畀佢哋睇，都會有意見話要點放先最好」。
優質商品自有「優質」價錢，店內傢俬售價從千多元至數萬不等，阿榮將店舖定位為中上檔次，又指香港人購買力絕對不低，「如果啱心水貴啲都會買」。為保持新鮮感，每件商品存貨不多，「而且好多都係人手製，有時就算好好賣都冇咁多貨」。
乾淨俐落的店面設計，木造層架上放有各種小擺設，加上淡淡木香，為整間樓上舖增色不少。阿榮指傢俬並非消耗品，「你唔會日日買，就算搬屋好多時都會帶埋走」，故從日本當地取經，引進特色精品出售，從木頭擺設到手製帆布袋應有盡有，「佢哋叫呢啲做小物」，將日式生活品味打包帶來香港。他笑言顧客有時受環境影響，「隨時會買多幾樣嘢走」。
■記者佘錦洪