【本報訊】熱門直資女校協恩中學昨舉辦下學年中一收生簡介會，1,500人出席。該校下學年將有98個中一學額予外校生，料平均每16人爭一學位，競爭激烈程度與往年相若。校長梁少儀先向家長「打底」，強調學校重視學生態度謙遜，即使能夠入讀協恩，仍要面對校內競爭，「如果家長接受唔到（學生名次下降）而返去責備佢，咁可能協恩就唔太適合你」。
料16人爭1個位
協恩中學2017/18學年將有180個中一學額，82個預留協恩小學學生，其餘98個開放外校生報讀。該校去年收到1,600份申請，校方料今年數量與往年相若，平均每16人爭一學位。
校長梁少儀在會上強調，協恩重視學生態度謙遜與自主學習，促家長報讀前應調整心態，看學校是否適合其女兒，亦須接受學生校內名次下降，「就算以前佢係頭三甲，都可能會跌到一百幾十」，「唔一定成績唔出眾，只不過多人係叻，如果單用排名睇一個孩子，其實唔能夠全面呈現孩子能力」。梁指協恩雲集成績優異學生，本學年入讀的學生來自60間小學，「好自然排名後咗，唔等於佢一定弱，可能家長一息間未能接受，覺得囡囡冇盡力」。
梁同時提醒家長應理解「學習係佢哋（學生）責任」，不應讓學生過份依賴，令學生以為「係父母唔得閒所以跟唔足（學業）」。梁鼓勵父母放手，讓女兒自主學習。
根據梁觀察，有家長為女兒選擇前路僅為滿足自己期望，「例如有家長要女兒學芭蕾舞，因為當年自己冇學；亦有同學考會計師牌為滿足父母，原來佢一直唔喜歡數字，後尾去讀音樂」，促家長給予學生空間嘗試及選擇志向。
有興趣報讀的家長可於即日至11月12日，親臨學校遞交申請表；校方提醒家長，不用釘裝學生個人履歷、背誦面試答案，亦不要求推薦信。合資格申請者將於12月3日接受個人面試，考核學生的語言、解難、數理能力及邏輯思維。
協恩中學中一至中三學費每年3.2萬元、中四至中六則收3.5萬元，分10期邀交，亦有學費減免計劃。
■記者葉偉東
家長心聲
陳先生
「（課外活動）唔勉強，因為我哋嘅價值觀就係一個字，真，要真誠咁畀學校睇。」
羅太
「欣賞協恩校風純樸，都有留意女拔、英華女校，但都係睇番個女能力同本身特質。」
