吓，胡國興宣佈參選、曾俊華暗示去馬後，梁振英喺港大民意研究計劃民調支持度仲高達47.5%？哦，呢個支持度只屬2011年，等八方仲以為港大民研咁應節，專登喺萬聖節嚇街坊㖭。
當年今日公佈嘅港大民研民調顯示，挺梁振英做特首嘅人有40%，話明唐唐去馬就唔會加入戰團嘅全國人大常委范徐麗泰就有18.7%，至於唐唐就得14%。一旦范太唔選大家又點睇？挺梁人士飆升到47.5%。
睇番最近一次港大民調，本月頭做嘅調查顯示，支持梁振英做特首嘅有20%、反對嘅有68%，換言之支持率淨值係負49%。再睇多少少，以2016年至今為止，支持689繼續做特首嘅人，最多嗰次都係得約25%，最低直頭得番唔夠18%。CY未來要保住兩成支持似乎唔易！