好多公司每年都要花大錢去請代言人，但好似謝瑞麟（417），公司有位靚太主席邱安儀就慳唔少，事關每次主持記者會，邱安儀都一定打扮靚靚，兼將公司嘅新首飾戴上身，仲教埋記者點襯最靚。噚日謝瑞麟業績會，邱安儀就戴咗總值130萬元嘅鑽飾（頸鍊、耳環、介指），呢套係公司最新嘅鑽飾系列，靚太賣花讚花香，話新系列方便襯唔同類型嘅衫，噚日比較formal，就啱戴細size首飾（細size都130萬元），如果平時可以潮戴大size首飾。佢又話，戴首飾都有分季節，部份首飾適合襯黑色衫同樽領衫，啱晒冬天咁話。