之前都講過啦，立法會議員一旦選完啲事務委員會嘅正、副主席，都會陸續退會，皆因佢嘅「任務」已經完成，梗係早走早着。
而喺經民聯梁美芬唔介意「身先士卒」，日前一口氣退出七個事務委員會後，其他議員紛紛跟隊，黨友張華峰（圖）噚日都要求退出工務、人事編制、環境及發展等六個小組。
據聞肥老闆一直都想退，但冇人做第一個爛頭卒，咁佢就一直唔敢郁，所以都要多謝梁美芬！專業議政嘅會計界梁繼昌，則要求退出衞生同工商事務委員會。
而三位民主派議員，包括公民黨毛孟靜、社民連梁國雄以及規劃界嘅姚松炎，則退出競逐教育事務委員會主席。據聞建制派協調咗蔣麗芸掌教育Panel嘅主席，泛民就會由教育界嘅葉建源同元秋對戰。