倒「水」落坑渠，食環高層強調，等同丟垃圾。食環外判清潔女工71歲的周婆婆沒料到自己日日朝7晚4，就這樣失驚無神被老細票控。
水是污水抑或清水？食環說接到市民投訴，觀察過肯定是污水。但就算是清水，一樣犯法喎。罰金千五，差不多是周婆婆月薪的五分一。
倒清水等同丟垃圾？三權分立是形容詞？兩個立法會議席未審先判「被懸空」？（早晚會「被上吊」或「被自殺」！）傷害國人感情，被禁宣誓，傷害勞動階層感情，食環反駁「幫婆婆出口罵我哋那些路人擺明生事！」「好似裝我哋！」
以長官名義以公帑入稟將兩個直選議員施以司法覆核，長官意志，擺明生事！將政治重壓放落忍痛放棄英國護照的主席肩上，好似設局裝佢，睇佢點樣出醜兩腿一軟跪趴在坑渠一坨屎上！坨屎旁邊有一桶水，主席瞄一眼，唔敢倒，唔敢潑，唔敢清洗一褲子的屎，因為唔知倒屎算不算倒阿爺米！今天的主席，心情沉重地發現，自己只是中央外判工，震騰騰唔知幾時遭老闆票控！