三間房度身訂造家具，善用空間，出盡方法。戶主希望三邊落床夠得體，床尾造衣櫃，但實際兩者之間通道不太闊，所謂慳得1吋得1吋，床頭板以索色橡木代替咕𠱸厚墊，衣櫃不造掩門造趟門，趟門僅一扇，留空側旁上方造玻璃櫃放女戶主手袋，中間掛電視，底部設抽屜，至於電視後方無浪費，靠邊有揭門暗格可貯物。
套房超長窗台沒放過，加建書枱予男戶主用，有專屬工作空間。兩間細房窗台造睡床，床底加建貯物櫃。當中一間多斜角，兩邊造高櫃，特以橫紋淺木造飾面，略減壓迫感，加添日式風味，一組高櫃附設反床，需要時供外傭睡，照顧小朋友。
兩所浴室潔具純白色，設計上想豐富一點，套廁牆身鋪深淺灰色幼紋磚，深淺色對比強，客廁鋪啡色仿石磚，有密集不規則紋理。洗手盆枱面造無縫天然石，好處一幅過無駁口。此外，鏡前以石膏板造假天花，內藏燈槽，光線從上而下較為平均及柔和，亮度適中，照得人清楚及好看。
