門將赫特（綠衫）被曼城新帥哥迪奧拿踢走，轉戰意甲拖連奴，表現都算穩健，點知到周三作客國際米蘭場聯賽就出事。國米主帥法蘭迪保亞帥位危危乎，好在有赫特「幫手」，迎戰拖連奴踢到35分鐘，國米有球冇乜威脅嘅傳球，點知赫特出迎接唔實，仲將個波撞去對手莫路伊卡迪度（左二）再反彈入網。拖連奴下半場一度扳平，但到88分鐘伊卡迪幫國米絕殺贏2:1。至於榜首三雄祖雲達斯、羅馬同拿玻里同日都齊齊贏波。