正義聯盟黨早前發起嘅電影《血傘》要開拍喇，黃夏蕙經理人Simon有份參與，佢話想將成本控制喺60萬，同埋搵電影系學生幫拍。
演員方面就會由黃夏蕙做膽，角色名叫「吳方安心」；據知仲會有八両金、梁小龍同埋余慕蓮一齊參演。
Simon自稱有機會落場做導演，「𠵱家仲睇緊導演蔡克健個劇本，因為我好驚佢主觀一面倒寫咗啲嘢，我自己可能會參與其中一個導演，最主要係mon（監察）住，睇吓邊啲嘢係太偏頗，我要平衡番少少。」
Simon透露，《血傘》的劇情係由佔中講起，發展到去講港獨，香港獨立之後嘅10年會發生咩嘢情況。
佢坦言呢套電影題材好敏感，亦唔想決定究竟港獨好定唔好，「我哋都冇資格去判斷好定唔好，只可以講，有可能會發生啲咩事」，最好畀觀眾去反思。