【本報訊】「當初真係冇諗過會搞咁耐，連七警案近期都放咗上庭，但我單案都仲係遙遙無期，真係好無奈。」退休警司朱經緯涉警棍毆打途人至今過了701日，早前警方完成刑事調查，惟律政司懸而未決。案中受害人鄭仲恒（Osman）表示無奈，盼回歸正常生活，但表明一日未有公義裁決，他仍會站出來。據了解，律政司很快會決定是否檢控朱經緯。
記者：紀靜雯
鄭仲恒（Osman）在雨傘運動期間途經旺角，保護同行女性友人時涉被時任警司朱經緯用警棍毆打，被外界冠以「護花男」稱號。每年10月他更會成為傳媒焦點，「始終我唔係咩政治人物，其實都唔係咁想曝光做焦點，會好擔心自己無晒私隱，甚至影響自己工作」，「我出嚟係希望支持我嘅人知道，我係仲未放棄，希望有日公義可以彰顯，我就可以回復正常人嘅生活」。
Osman批評政府「自己人查自己人」，部門之間互相包庇，憂案件不了了之，「雨傘運動令人見到警隊淪為政治工具，但𠵱家最恐怖係連獨立司法制度都做埋政權嘅政治工具」。近日立會宣誓風波更凸顯司法制度的淪陷，「好諷刺，最荒謬係律政司可以即日向法庭提出禁止梁、游宣誓，但我單案就拖咗兩年都未得」。
「唔憎佢 只針對濫權」
朱經緯事後成為眾矢之的，Osman卻稱對朱印象不深刻，不會特別記恨對方，故沒提私人刑事檢控，「我報案唔係想針對朱經緯，而係成個警隊濫權嘅情況，所以我唔會憎佢，只係希望警方面對濫權問題」。
雨傘運動除了改變社會，亦改變了Osman。他由當初享受簡單、快樂生活的港豬，變成主動接觸時事的香港人，「以前唔會理政治，但雨傘運動會令自己睇多咗新聞，煩惱咗好多，冇咁開心」。如可重新選擇，他想做港豬還是佔領者？他輕笑兩聲，「好矛盾，好難答喎，我會寧願做隻港豬，起碼人生會開心啲，不過當你知咗社會發生咩事時，其實已經冇得返轉頭，只可以望向將來」。
警方向《蘋果》稱，投訴警察課已完成朱經緯案刑事調查，並交予律政司徵詢法律意見。律政司發言人則稱，會小心和全面考慮適用法律、相關證據和《檢控守則》，向警方提供意見，並決定是否檢控。