新一屆特首戰，據聞唔少喺立法會選舉落敗嘅功能組別參選人，都重整旗鼓再作戰。八方聽聞喺金融服務界輸俾現任議員張華峰嘅詹劍崙Ricky，即係詹培忠囝囝，有意再接再厲。查實Ricky最後一日先報名參選，最後仲俾西邊人士大力打壓，結果都有150票，得票率近三成，相對獲中字派動員力保嘅張華峰，做咗4年只攞到261票、得票率51.4%都唔算太輸蝕。另一名參選人徐聯安則有96票，得票率18.9%。
據知Ricky未放棄，近日不時拜訪業界，同時亦搵友好密斟，蓄勢待發向住有18席嘅金融服務界選委會進發。有業內人士話，都想有啲唔係凡事向北望say yes、有獨立思考嘅開明建制派代表自己投下特首理性一票。