接替「洗頭艇」自動當選立法會金融界功能組別（銀行界）議員嘅陳振英（Ronick），原任中銀香港（2388）董事會秘書及公司秘書，該行董事會噚日公佈，佢已辭任相關職位，由原來阿媽——中行（3988）董事會秘書部副總經理羅楠，「南下」接掌中銀董秘及公司秘書。
中銀噚日就出售集友，再同阿媽發聯合公告，話進展已屆較成熟階段，就係羅楠署名嘅處女作，而兩日前，中銀澄清話未有約束力協議嘅公告，就係Ronick嘅告別篇。
呢次人事調動，相信主要同陳振英加入立法會後工作繁忙所致，而今年6月底先創立、由中銀吹雞發起嘅香港中資銀行業協會，Ronick會繼續出任協會副會長兼秘書長呢項公職，至於中銀會否再安排榮譽職位畀佢老哥，據聞行方會另有安排。