大家仲記唔記得百富環球（327）嗰位火爆財務總監（CFO）呢？兩個幾月前，時任CFO嘅李書沸（Chris Lee）喺分析員會議上，因不滿麥格理分析員林子謙（Timothy Lam）唱淡公司，怒趕林子謙出場，相關片段一度喺財金界瘋傳，李書沸其後就事件致歉，一星期內因此辭職。
事隔兩個多月，百富環終於請到新CFO。公司噚日宣佈，張仕揚已獲委任為公司財務總監，即日起生效。根據通告，張仕揚畢業於中大，加入百富前任職國際會計師事務所，擁有逾10年財務及會計相關經驗。
事實上，公司股價自8月以來已經跌咗唔少，希望張仕揚以前車為鑑，和和氣氣，同班分析員打好番關係。唔知佢上任後會唔會第一時間搵Timothy出嚟食個飯呢？