日本男士近年都偏向支持好肉地女星，好似AKB48嘅24歲舊將平嶋夏海，離隊殺單飛發展即以肉感取勝，其2017年性感年曆以珠圓玉潤作賣點。反觀現年20歲嘅人氣Model久松郁實，以33F上圍及成熟女人味成功跑出，近年由時裝界殺到水着界，被日男捧為新一代咪神，出完水着DVD冇耐更有性感年曆趕住應市。
久松郁實都係以肉感迅速上位，早前先有第三作水着DVD《193》上架，為配合運動主題，久松以好動一面來硬銷健康性感。話口未完，久松會喺11月初推出年曆，佢當然又係毫不吝嗇其驕人身材，以比堅尼及性感打扮來盡顯其玲瓏浮凸嘅身材。
另一邊廂，日本童顏巨乳女星長澤茉里奈已經滿21歲，佢嘅年曆都已曝光，雖然論肉地就不及久松同埋平嶋，但肯定都獲一批麻甩佬支持。