外號「體操精靈」嘅南韓韻律操選手孫延在（中），日前着住全州宙斯盾嘅波衫，幫全州宙斯盾主場對昌原獵隼嘅南韓職業籃球聯賽主持開球禮。孫延在萌就萌喇，但係似乎有啲黑腳，事關全州宙斯盾最後以67:79輸咗畀昌原獵隼，四節比數係20:25、20:18、14:22同埋13:14；全州宙斯盾繼以69:81作客輸畀高陽獵戶座後，再輸一場，頭兩場比賽輸晒。