【拆局】
特首梁振英、港府及建制派對青年新政立法會議員梁頌恆及游蕙禎步步進逼，繼提出司法覆核阻他們再宣誓，又成功逼立法會主席梁君彥「跪低」，今日不為他們宣誓，甚至向法庭要求頒令取消兩人議員資格。
近日開始有政界中人質疑，政府針對青政議員行動不斷升級，似完全不擔心會刺激一班激進年輕人上街，令人懷疑「係咪有人想搞一場大龍鳳，等人去包圍立法會，咁就可以領功」。
激進陣營分裂不滿青政
有多名政界人士稱，當梁頌恆、游蕙禎被指宣誓無效，以及建制派用流會阻兩人再宣誓，一直未見有激進派人士發動抗爭，他們相信因立會選舉後，激進陣營分裂，「其他激進派不滿青政、甚至話佢哋係鬼，好多人根本唔想再幫佢哋有關」。
最令政界人士奇怪的是，建制派、左派人士針對兩人的行動不斷升級，甚至不惜破壞三權分立及挑戰立會獨立性，「畀人好強烈嘅感覺係，有人好想刺激一班激進年輕人上街，再搞一場大龍鳳」。由於目前正是下屆特首選舉敏感時刻，難免令人猜測，「係咪又想谷一場大型示威出嚟，證明香港要搵個強硬嘅人做特首？」
■記者莫劍弦