【本報訊】新會商會港青基信學校宣佈調整班級，校方在新安排生效前一周才召開家長會，逼學生最少讀七年小學。有家長不滿校方交代欠詳細，斥新任校長不聽意見態度囂張，更揚言若家長未能負擔學費就應轉校。
休學周辦家長會捱轟
家長張女士(化名)指一周前始收到校方通知，將於前天學校休學周舉辦家長會，「好多人其實趁假期去咗旅行，同埋估唔到佢會宣佈咁大件事」。張指當日會後不少家長也提出質疑，有感眾人對調班感錯愕，「但校方冇解釋過（調班）原因，亦都冇講之後點」。張指校方亦未有就此重大改動諮詢家長，亦未有提供其他選擇，「佢畀我個感覺就係唔重視家長意見」。
有家長透露，該校家長通訊群組有成員指校長Mary Briggs態度囂張，於會上自誇到過班房及讀過學生評估，「話自己比家長更清楚啲學生」，惹來家長反感。小四家長張女士(化名)則稱Mary Briggs 9月接任後曾向家長發信，指學費低於營運成本，故將調整學費，「佢仲話如果家長畀唔起就應該離開（學校）」。
■記者葉偉東