中學還要背默「木蘭辭」，聽阿仔翻白眼一遍一遍地「雄兔腳撲朔，雌兔眼迷離」……噫，梁游兩位不是兔子，但不妨考一下眼前的中一鴨，做Q&A實驗：
范徐指，傳言梁游兩位是幫狼特助選，她非常不喜歡二人做議員。問題一：范徐是否倒梁？阿仔一邊打機一邊俾答案：「擺明係」。問題二：既然倒梁倒到出面，全球反辱華大聯盟，係咪跟范徐一路，屬ABC？阿仔眼都唔眨俾答案：「佢地爭功，敵對的，睇吓邊個倒得快，好世界。」問題三：葉劉指，立法會開波初期只係噴口水，流幾次會，都唔會影響民生，你信納嗎？打機打到性起的阿仔遊魂般回答：「什麼民生？民主我就識。邊有人關心民生啫，人人淨係想賺大錢。」但狼特口口聲聲說，迎難而上，人人為我，土地問題，土地解決喎。輪到阿仔反問：「你信嗎？土地問題，你估一減一咩？」再問阿仔，知道三權分立係乜？他煩厭地搓着手答：「這個形容詞，勁難造句，評估千祈唔好考。」
最後一問，狼連任成功的話，想送什麼給他？阿仔瞪住手機，果斷回答：「Note7！」