邊個夠我sweet？講嘅係匈牙利泳壇「鐵娘子」賀素（圖）。呢位27歲靚人妻喺里奧一口氣攞咗三金，估唔到短池賽都咁掂。噚日東京世界盃短池賽，佢第一日已攞咗四金，50同200米背泳、200米自由泳同200米個人四式，賽後仲捧住五隻吉祥物同獎牌合照，sweet到爆。今日參加完東京站，佢會飛嚟香港出戰周六同下周日喺維園舉行嘅最後一站世界盃短池賽。