十歲喪父，母親不識字，鄭國江靠自己活到現在，後日舉行入行45周年作品展的他說：「成日都話幸運是我，我係嗰種人，喺最唔好環境下，諗啲冇咁黑暗嘅嘢，好似《隨想曲》歌詞：『是我的雖失去他日總會有』今日冇箒，寄望明天。」
自嘲記性差的鄭國江，考歌詞卻難不倒他，《一點燭光》、《誰可改變》、《儂本多情》、《蝦仔爹哋》、《點指兵兵》全記得。鄭國江曾為多位巨星寫歌，只有陳百強改過一個字歌詞：「《等》，佢話『苦困』唱時發音有問題冇咁響，佢改『哀』字；自己試過一隻歌改六次，就係徐小鳳嘅《逍遙四方》，小鳳姐好少要我改，但呢首歌我寫每個意念，佢覺得唔係好適合，終於寫第六次佢接受。」