【本報訊】自由黨月初改選領導層後，隨即惹來「轉軚」之嫌，「ABC（Anyone But CY）從來都唔係自由黨傾過嘅政綱，大家都係自由發揮」，新任主席張宇人強調，榮譽主席田北俊一直倡議「ABC」，令外界覺得自由黨有此路線，重申該黨「對事不對人」，強調不主張「ABC」，不等於腰骨不再硬，「見到有啲政策唔啱，無論邊個做特首，都會出聲甚至反對」。
記者：許偉賢
現年67歲的張宇人，最後關頭才報名參選主席，他受訪時坦言只是「頂住檔」，因黨內屬意接任主席的邵家輝，剛當選批發及零售界立法會議員，需時熟習議會及業界工作，「到佢（邵）滿意上手兼且樂意嘞，隨時畀返個主席位佢做。」
非刻意「去田少化」
月初當選黨主席後會見傳媒，張宇人反覆強調「ABC」只屬個別黨友的看法，與過往自由黨榮譽主席田北俊仍任立法會議員時，不斷高舉「ABC」的做法有分別，惹來外界指該黨轉軚。張宇人對此不以為然：「因為田北俊嘅個人魅力，佢一路講ABC，大家就覺得個黨有咁嘅睇法，但無論方剛、鍾國斌或者我，呢四年都冇乜講過ABC，我哋係對政策多過對人。」
張宇人引用官員亦笑稱，「自由黨一向好自由」，強調個人尊重個別黨友的「ABC」立場，但指該黨對待歷任特首，一直「是其是、非其非」，「都係做得好就讚，做得唔好就批評或反對」。張宇人否認因為領導層換屆而令路線大變，更非刻意「去田少化」，「其實田少咁多年嚟都係一個位（榮譽主席），只係唔喺議會。」
指黨員不抗拒梁特
張宇人直指，外界對自由黨似乎有誤解，指該黨一向非以「某君提嘅（建議）我就反對」，又指「其實自由黨冇乜野心，如果可以拉得埋兩邊（泛民與建制）走得近啲，而唔係有你冇我……社會文明啲，唔會有咁多拗撬。」
外傳梁振英欲改組行會，擬向自由黨招手，張指黨內曾就此傳聞討論，「絕大部份黨員都話係好、唔抗拒」，重申該黨與政府一向有合作，不應過份渲染自由黨為難以合作的對象。
不再高舉「ABC」旗幟的自由黨，會否支持梁振英連任？張宇人只稱，一切視乎候選人政綱而定，「如果候選人話對標準工時立法，咁就好難支持，唔理佢係邊個，無論幾好朋友都好。」