體型細小的刺蝟十分可愛,甚受小孩歡迎,有飼養者更在社交平台開設買賣資訊群組,但懷疑有人藉此渠道結識未成年少女。近日網上論壇流傳多張whatsapp截圖,懷疑一名30多歲已婚男子以「送刺蝟」為由,聯絡一名小六女生,多次要求女生傳自拍照給他,更指明想要「背心Look」、「夏天衫」,對話中又嘗試叫女生上他家,又問女學生想不想他「照顧」。
論壇發帖者指,自己原本在一個刺蝟whatsapp群組中,突然發現一名原本為成員之一的女生突然離開群組,於是好奇私下問女生原因,結果女生說群組內「有個成日同我講嘢嘅哥哥」叫她離開群組,追問下去才從二人whatsapp對話紀錄中發現,該名30多歲的已婚男,在得悉群組內該名小學女生很想要刺蝟後,遂以送刺蝟為由,要求女生拍下「背心Look」等自拍照,女生又被問及「可以拍拖嗎」、「去你屋企玩得嗎」。
及後已婚男的行為疑被群組成員踢爆,便開始哀求「唔好post上fb」,又堅稱自己只係「講笑,無惡意」,還指「我會自首」。相關截圖隨後被轉載至不同fb專頁,引來大量網民圍剿,大家都怒斥該男子「變態」、「小學生都搞」,又勸籲各位家長要小心。另外根據論壇發帖者敘述資料,該名已婚男姓王,疑居於屯門,今年3月結婚。
【網民點講】
Cui Ting up:咁多變態佬,小六都唔放過,仆街死啦,淫蟲死肥佬
Kiko Chi:借分享,死賤精等天收
黎米:變態,呢啲人實有報應,12歲妹妹都唔放過
Jessica Li:生女真係好擔心!依家真係好多呢啲變態佬!
Kenbi Lo:我希望佢老婆都見到,知道自己嫁錯左比個變態男!