社民連立法會議員「長毛」梁國雄，近日俾人影到乘搭港鐵時，疑似當眾伸手指入波鞋內，做出類似「搲腳板」動作，令他身傍一名女乘客側目掩鼻，相片在網上瘋傳，不少網民留言，話想問長毛有沒有香港腳，抑或當時為乜要做出呢個動作？
據知長毛向外解釋，因為當日穿的襪較短，縮入鞋內，所以佢惟有伸手入鞋內拉返起隻襪，至於係咪有香港腳嘅問題，佢話大家可以估吓，聲言2018年就開估有答案。
雖然有人認為公眾人物，在港鐵上做呢個動作略為不雅，但亦有人讚長毛充滿「男人味」，亦有人笑言話唔定長毛其實在找「散紙」輔幣，「私己錢通常都係放㗎樹架啦！」