如果你係《星戰》粉絲，都應該知道嚟緊12月有套外傳--《Star Wars Rogue One》會喺香港上畫，《星戰》故然要撐，今集另一大重點就係有宇宙最強的甄子丹登場！
如果你都有睇過電影預告片，都應該見過丹爺打到白兵一仆一碌嘅風采，不過預告片短短幾秒，的確令人相當唔夠喉；不過唔緊要，據知嚟緊11月推出的《Star Wars Rogue One》iPhone 7/7 Plus機殼，記者收到最新店舖預訂圖，竟然發現官方手機殼，都有丹爺的一席位！
記者同熟悉《星戰》的人士吹水，據知今集丹爺的戲份都相當重下，雖然以《星戰》的年表，這段外傳的時間好多絕地武士都被帝國軍追殺着草中，所以丹爺極有可能並未有原力，不過正因為咁，所以佢會以武功高強嘅宇宙武士身份，加入反抗軍，並與男女主角組隊偷取死亡星（Death Star）藍圖，據稱佢嘅戲份，只係僅僅稍次於男女主角，所以特別為佢出手機殼，都不無原因。
記者、攝影：朱崇德
