青年事務委員會主席劉鳴煒（圖）經常出沒，分享對年輕人遇到困難同問題嘅睇法，上周六佢就應新民黨青年委員會邀請，喺「與『理』同行」座談會以自身經驗講吓點樣面對逆境，發揮所長。
呢位Package男神繼續睩大眼chok住出動，席間指房屋供應不足、年輕人上樓難等問題，唔單止香港獨有，全世界都出現，但其他城市地方大，市民可以喺遠離市區地方置業，香港土地卻實在有限，長遠都係要透過解決供應問題、以解決住屋需求。
港獨爭議下，Chok劉亦談及身份認同問題，佢話香港實行一國兩制好成功，但似乎回歸後冇發現，一國兩制嘅實行會帶嚟兩地多方面矛盾，若然及早處理，加強對中國人嘅身份認同，矛盾未必會似今時今日。唔知佢又有冇解「獨」良方？