鄭欣宜一連兩場在九展Star Hall舉行的演唱會，前晚尾場演出，由記者會到開騷期間，都喊過不少次的欣宜，前晚在父親鄭少秋撐場下，再度爆喊。自從欣宜在演唱會上自爆曾跪求男友不要離開後，有人估計該名前度就是攝影師Silas Lee。
親證唔係Mark
欣宜前晚騷後在後台接受訪問，證實並非前度Mark：「唔緊要啦，唔係阿Mark，唔講喇真係，我覺得唔需要多講。多謝大家關心。其實首歌已經講到好白㗎喇，發生乜嘢事呀嗰啲，不過我𠵱家冇事，預備迎接下一段感情。」其間問到是否攝影師男友Silas時，欣宜並沒有回應。
談到爸爸秋官聽到後很好心痛時，欣宜說：「唔緊要，我覺得做大人就係要經歷好多唔同嘅嘢！唔怕㗎，我下一段關係要佢跪喺度求我唔好走！」有人相信跪求男友最大嫌疑人物，就是前度Silas Lee，照時間計他們關係2014年中曝光，沒多久Silas辭去攝影師一職。到2015年欣宜自爆甩拖半年，所以Silas機會最大。照此計算是拍拖曝光半年後兩人分手，看來Silas並不習慣身份被公開。
在前晚演出尾段許廷鏗突然衝上台搞gag，現場氣氛熱爆，嘉賓張敬軒出場時，借欣宜經常喊來講笑話：「歡迎大家嚟到全香港喊得最多嘅演唱會，不過流下眼淚對你嚟講係好，蒸發吓啲水份。」
難抵慈父眼神
之後軒仔更爆料，原來秋官有幫口請軒仔任嘉賓：「嗰日見到你爹哋，佢話『多謝你呀，多謝你做我個女嘅表演嘉賓。』本身我都想話『未、未、未』。」在盛情難卻下促成軒仔前晚上台表演，而台下秋官亦站起身送飛吻，軒仔表示當時秋官流露出的是一位慈父的眼神，他說：「所以我想話你聽嘅係，欣宜你好幸福。」此時，欣宜再度落淚，場面非常感人。
採訪：黃曉妍
攝影：陳俊強
