21年後，十月再掛八號風球。天文現象跟政治氣候密不可分，風水佬呃人十年八年，但唔可以呃你21年咁長！這一鋪，不妨參考天文專家意見，結論會不會咁樣？
一：梁游絕不會道歉，他們生成的「支那」颱風，收到預期拆天的效果。強颱攻港，建制亂套，激到吹鬚碌眼，大媽議員，頭髮亂了，午餐肉擲中那位，唔使再食屎了。強颱，無論造成幾多破壞，從來不必道歉。要道歉的，是在風暴中失職的卸膊政府。
二：烈風中，有懶型族冒住八號波走近海邊，觀浪自拍。咁玩法？唔識死？累街坊？係！港豬典型！律政司會因此漏夜入稟，司法覆核拉人封艇？笑死人lol。
三：傳言西環隨時會犧牲梁38主席，迫佢引咎辭職。英國護照在政治風眼中，唔可以當頭盔使。暴風圈橫掃主席台，八級烈風中第一位死難者，已經預先張揚。狼特開定fb，歷史性俾第一個悼念like。
四：立會內，人在做，天在拆；風有眼，天無。