建制派講明用盡一切方法阻青政梁頌恆同游蕙禎宣誓就任議員，新民黨葉劉淑儀噚日喺一個論壇演講時趁機抽水、話游BB外表吸引，話政府同北京都要諗吓，點解今屆會選出一啲咁離經背道嘅人：「西九龍嘅選民見到一位金金哋色頭髮嘅少女，覺得佢清新，但唔知佢宣誓係粗暴，個個選舉都有某程度嘅政治化妝嘅。」
講完游BB嘅外形，葉劉談及土地問題時話：「好似嗰位姓游嘅小姐，佢講咗一句好粗俗嘅說話，我唔重複，但佢意思係話，我哋人類進行最正常嘅行為都冇地方，呢個某程度係反映一啲事實。」
同場曾鈺成笑言唔做立法會主席之後，肯定「更上一層樓」，因為會去立法會3樓公眾席睇開會。至於阿曾早前話會考慮親自落場，佢噚日話話台上都可能有個疑似候選人，繼而畀個Like葉劉（圖），唔通撐葉劉選特首？