這天周末澳洲猛將柏寶有到場操馬有動靜，當然係特意為咗佢嘅頭號寵兒「幸運如意」，親自喺內圈快踱一圈。
「幸運如意」將角逐周日(23日)第七場二級賽1200米精英碗，柏寶有幾冧「幸運如意」，相信好多馬迷都知道，試閘、快跳甚至踱步，基本上柏寶唔會假手於人，今課操完仲摸摸馬頭，鍾愛之情溢於言表。
唔少人認為「幸運如意」係未來短途馬王，皆因上季尾面對澳洲隊短途怪獸「尚多湖」，亦鬥得難分難解，而柏寶剛於國慶日贏「華恩庭」，「華恩庭」當日走勢有餘未盡，尚有不少進空間，但柏寶今場仍放棄「華恩庭」而揀「幸運如意」，可見「幸運如意」在他心目中地位更高，事實上此駒8戰田草1200米5冠3亞，今仗就算Win唔到，都應該係穩陣Q膽。