毛里裘斯籍騎師田泰安上月中策「積多福」揚威韓國歸來後，手風一度欠順，食了不少白果，直至兩周前才贏番「靚猴王」及剛周三勝出「金錢路」，個人今季在港才累積四Win，成績唔算太好，難免要心急追數。
這天(21日)懸掛八號風球，八號風球前只得三位騎師到場操馬，田泰安是其中一個，中止晨課後他在facebook留言，會安坐家中睇戲，以及刨馬做功課。周日(23日)安仔座騎中，第二場四班1200米草地方嘉柏的「好醒」與他最合拍，上季爆38倍冷Win贏田草1200米後，上仗故劍重逢於同程都能追入亞軍，人馬合作兩次未甩Ｑ，今次再戰有運抽三檔，難怪騎者顯得充滿信心。
田泰安說：「『好醒』上仗排最外10檔起步，出閘後焗留到最後，更不幸遇上超慢步速，形勢非常不利，即使臨尾追勢甚勁，仍不敵佔盡先機放到的『按得贏』。今場有三檔之助，跑法變得有彈性，既可以跟上場一樣留後，亦可視乎形勢採取主動跑法爭勝，有力收復前失。」