白鴿黨一班新人上任立法會議員後，唔少政策局高官都邀約飯敍加深了解，噚日一班白鴿就應民政事務局局長劉江華邀請開餐交流。勢估唔到劉江華飯局中面對呢班白鴿，同勞福局局長張建宗一樣，都係以「廷哥」稱呼新東新丁林卓廷（圖），搞到阿廷相當唔自在。
不過阿廷同八方講，無因此飄飄然，一向關注樓宇圍標問題嘅佢，仲喺飯局上多次追問當局有關《建築物管理條例》問題，搞到劉江華都怕咗佢，承諾日後設個專題再慢慢講。
據知劉江華席間又問現時邊個係民主黨「黨鞭」？唔少白鴿即場話係阿廷，講笑話因為高佬（阿廷）成日鞭佢哋，皆因阿廷已經代咗卿姐，經常敦促黨友要準時開會喎！