德國中場奧斯爾喺周三歐聯分組賽，首次喺職業生涯大演帽子戲法，協助阿仙奴喺A組主場大勝盧多格德斯6:0，但我求大俠相信奧斯爾可能同英格蘭一間酒吧一樣，連對手個名都唔識噏囉，淨係知來自保加利亞囉。事緣有間酒吧唔識串盧多格德斯嘅英文名（Ludogorets），於是喺門外塊黑板上寫「阿仙奴對（保加利亞某支球隊）」，真係搞笑到爆。至於蘇格蘭有間酒吧都一樣，串極都串唔到慕遜加柏嘅英文名（Borussia Monchengladbach），於是喺塊黑板度寫上「些路迪對一支德國球隊」；難得慕遜加柏好幽默咁將佢哋英文版twitter個隊名改做「一支德國球隊」，最後佢哋亦喺呢場D組分組賽贏2:0。