楊千嬅、周柏豪、少時前成員Jessica、佘詩曼、樂基兒和蘇麗珊等昨晚在海口，出席觀瀾湖世界明星賽開幕紅地毯，同場還有不少重量級外星猛人如「鷹眼」美國男星謝洛美維納（Jeremy Renner）、奧斯卡影帝米高德格拉斯（Michael Douglas）、NBA球星艾華遜（Allen Iverson）、曼聯前球星史高斯和約基等，其中周杰倫行紅地毯作壓軸，不少粉絲起哄衝去欄杆。
搭同一班飛機
身穿藍色套裝的千嬅與「鷹眼」謝洛美結伴行紅地毯，其間二人有講有笑，千嬅接受訪問時表示：「謝洛美好nice，因為打風我哋同一班飛機嚟，有同佢合照，佢攬住我，好弗好大隻。」記者笑她不怕老公丁子高呷醋，她笑言：「佢都唔知，佢喺度就走咗，即場見到米高德格拉斯，好開心見到神級演員，以前有睇佢電影，頭先有同佢影相。」
柏豪與Jessica陪實艾華遜到場，現場有不少粉絲舉公仔牌支持艾華遜，但他心情像有點差，柏豪表示與艾華遜同車時已集郵：「可能熱，冇乜點講嘢，我同佢講係佢super fans，佢都好appreciate。」
樂基兒講試婚
另外，樂基兒被問到是否與男友Ian同居試婚，她否認：「會有陣時同居。」透視紅裙現身的佘詩曼十分搶眼，她透露因颱風關係，應該會留在海口，可以落場打波，她說：「自己學過，不過一直冇時間揣摩，今次有教練會有時間學吓嘢。」
採訪、攝影：曾小嘉