收到粵語陳片片段，應已五十多年歷史了，因為馮寶寶這位可愛趣致的小童星有份。
鳳凰女（媽咪）怨：「媽咪唔係嬲你爹哋辦案呀，我係嬲佢總係連電話都冇個番嚟囉。」
楊茜（姑仔）開解：「二嫂，查案係周圍去㗎嘛，或者，或者去親啲地方，都冇電話設備呢？」
鳳凰女沒好氣：「唏，你二哥時時都係咁嘅，佢成日都話公而忘私㗎啦。」
重點來了。紮起孖辮的精靈寶寶得戚：「媽咪，我有辦法！等我第日發明一種電話呢，可以袋落阿爹哋嗰個袋度，等佢以後入廁所都可以打電話畀你。」
鳳凰女笑斥：「哈，一味得個講字，仲唔去瞓？」
──又難怪寶寶得戚，不是「大隻講」，原來她是先知。
回看前塵，五十多年前誰會想到，今時今日智能手機已經成為人體的一部份？
「如果沒有你，日子怎麼過？我的心也碎，我的事也不能做……我不管天多麼高，更不管地多麼厚，只要有你伴着我，我的命便為你而活！」當白光那深情豁命的幽沈嗓音已成絕響，便知世間最重要的科技發明取代了「時刻報到」的初衷──原來只是很卑微又尋常的掛念吧。