大台前新聞小花周嘉儀（Venus）效力嘅興證國際（8407）今日上市，不過，唔知大家有無發現，喺興證整個招股過程當中，Venus都冇乜現身，最多只係拍咗條短片放上網，條片仲係「興證每周快訊」咋。
可能因為上市程序受嚴格監管，一粒數都唔可以講錯，Venus喺條片入面，都係穩打穩紮咁讀稿（做番老本行），講公司發售規模，介紹公司財務狀況、風險因素等等，同佢老闆喺招股記者會讀嘅稿冇乜分別。為咗幫公司提高曝光率，斷估周小姐今日應該會出席上市儀式啩。
講番興證國際，雖然公司創業板上市，但有主板嘅架勢，有一成股份畀散戶認購，集資逾10億元，仲有3名基礎投資者，由10間投行、包銷商，夠晒人多勢眾。