颱風莎莉嘉襲港，噚日三號風球高掛，橫風橫雨，但港超隊都照常操練，東方龍獅喺京士柏球場備戰下周日作客九巴元朗。雖然冒雨出操，但球員練得好起勁，新狂牛前鋒洛迪古斯仲瞓喺積晒水嘅場玩水，真係識得自娛。教練陳婉婷話因為大風，早啲收操畀球員放飯，之後再去健身。而原定噚晚喺小西灣運動場上演和富大埔對傑志嘅菁英盃揭幕戰，因場地積水要改期。