由六名非建制派專業界別立法會議員組成的專業議政聯盟，組成無耐就擴充，原來喺上周再新添一名猛將，就係上屆議會已經同泛民專業界議員緊密合作嘅衞生服務界李國麟（Joseph）。
Joseph今次加盟，令到專業議政聯盟有多達七名議員，即係同立法會兩大黨，民主黨同經民聯一樣咁人強馬壯，雖則佢哋只係聯盟而唔係政黨。
Joseph就透露，自己喺上屆立法會已經同梁繼昌、莫乃光、郭榮鏗、葉建源四名議員「行得好埋」，今屆多咗姚松炎同邵家臻加入之後，佢都未正式加入，原來係因為要等上周二護協開會通過批准；佢亦已經同個會講到明，投票嗰時唔會受到綑綁。
其實呢個聯盟本來諗住搵埋醫學界陳沛然加入，可惜至今未有消息，否則議員人數就只會僅次於民建聯咯！