股評人一向只講冧巴，不談政事，不過可能𠵱家時局太過紛擾，唔少股評人喺facebook爆seed，「沈大師」沈振盈噚日都喺fb分享一條「呼籲取消游蕙禎梁頌恆議員資格」嘅link，立場鮮明。
沈大師似乎唔怕得罪游蕙禎與梁頌恆嘅粉絲，直指佢哋好錯。佢認為，就住支那事件，明顯係分開年紀大與年紀細兩班人嘅睇法，好似佢屬於「50後、60後」一群，父母經歷過日本侵華，明白支那係侮辱華人，年紀細嘅一班人因為唔了解歷史，竟然不感抗拒。最弊係後生一輩有自己一套想法，唔聽人講。
沈大師話，唔係要踢游梁二人離開立法會，只希望佢哋可以知錯能改，為市民做實事。