胡楓（原名胡繼修）的愛妻呂詠荷，日前因病離世，享年82歲，昨日於世界殯儀館景仰堂設靈，以基督教儀式進行，堂前放上子女及修哥的花牌，修哥的心形花牌寫上：「詠荷 緣盡今生 來世再續」下款寫上單字「修」，靈堂還有投影機播放修哥與太太的生活照。
學友別契媽
修哥在娛樂圈中人緣極好，亦是大眾契爺，昨日下午3時左右，已陸續有花牌送到靈堂，當中包括一班契仔契女黎明、張學友與羅美薇、方國珊、劉美君、林憶蓮、斑斑，以及來自圈中台前幕後不同單位、藝人的花牌。6時左右，陸續有藝人抵達殯儀館，張學友及張家輝、林憶蓮及劉美君先後結伴到場，也見謝賢、汪明荃、陳寶珠、白雪仙、薛家燕、羅蘭等。
修哥大約於5時40分在契女方國珊陪同下抵達，即向傳媒表示謝意：「辛苦晒各位，抱歉，為咗我太太你哋咁辛苦，我太太好有福氣，全屋企人都好孝順佢，臨走前都見勻晒啲人，好安慰，最後一口氣都係微笑嘅。」
「佢走時微笑」
修哥哽咽，用手掩面強忍淚水，被問到太太遺願時說：「佢想低調啲，唔想搞咁多嘢，估唔到通晒天，覺得好對唔住太太，個心係非常之唔安樂，唯一安慰係佢走時係微笑，但大家都好唔捨得嘅。」他又謂：「我同佢講個個人都好乖，你放心走，如果唔係就會好痛。」
修哥契女斑斑表示：「我知道契媽走係喺落機時收到口訊，即刻打畀契爺，佢心情都唔係好平復，可能佢都有心理準備，但都係唔捨得囉！」張家輝離開靈堂時表示：「修哥都平靜嘅，都有安慰吓佢。」
採訪：黃曉妍
攝影：葉君海、陳俊強
