經營內地潮牌JNBY嘅江南布衣（3306）噚日舉行IPO記招，創辦人吳健與太太李琳襯晒衫，全身黑色，簡約有型。
吳健係公司主席兼行政總裁，李琳就係首席創意官（睇佢造型都估到，佢負責設計），兩位係大學師兄妹，分別喺1990同1992年浙江大學畢業。
李琳本身係上海設計師，有逾廿年經驗，1994年喺已經杭州創立第一間JNBY，「JNBY」呢個名，代表「江南布衣」國語讀音，同埋「JUST NATURALLY BE YOURSELF」嘅英文字母簡稱，有雙重意義。
目前JNBY在港有1間分店，位於尖沙咀K11，內地就有404間自營店。