【ViuTV風波】林保怡與周家怡為ViuTV主演的開台劇《瑪嘉烈與大衛系列 綠豆》叫好叫座，帶挈二人獲邀拍舊街場白咖啡廣告。廣告於大前日出街，雖然當中未有提及大衛和瑪嘉烈名字，但兩位主角造型、演繹方式、畫面鏡頭、同一間屋、保怡揸的士、背景音樂、林海峰做旁白，再加上廣告打上第27集，及由《瑪》劇兩位導演FatBall及25執導，完全令人聯想到與《瑪》劇有關。
廣告已停播
不過，原來相關廣告未有知會ViuTV，ViuTV有感此舉涉侵犯版權而極為憤怒，考慮向相關人士採取法律行動。ViuTV製作部副總裁金廣誠昨承認說：「我哋已經同律師研究，會向相關人士保留法律追究權利。今次唔係二次創作，係侵權行為。我哋已經向廣告客戶反映，今日開始個廣告已經停播（電視），直至版權搞清楚先至處理。」
《瑪》劇原著南方舞廳亦表示：「我都明啲客可能鍾意，想攞番個感覺，但始終牽涉到版權，我都明大家要搵食，但搵食應該循正常途徑，香港係有版權法㗎嘛。」記者先後致電廣告導演FatBall和25，二人均表示要了解事件後再作回應，但至截稿前未回覆。負責今次廣告的Vib Egg廣告公司則表示：「暫時無可奉告。」
對於廣告涉侵權，林保怡昨說：「如果我嚟緊有一個電影劇本又係揸的士，咁又要搵律師研究吓我呢個電影劇本呀？成件事一定要知會ViuTV，版權問題要ViuTV同廣告客戶研究番，我哋呢啲小小演員好被動。」
「最緊要公平」
對於ViuTV昨日抽起該廣告，保怡說：「𠵱家係爸爸媽媽講嘢嘅時候，等爸爸媽媽傾掂數先啦，媽媽plan咗好多計劃去宣傳，𠵱家爸爸話唔得，又唔知會唔會另生枝節呢。」會否不開心？保怡說：「唔會，最緊要公平公正。」
採訪：魯吉