香港迪士尼前CEO金民豪今年3月忽然以個人理由辭職，當時佢話要休息吓，多啲時間陪家人。事隔半年，可能佢休息夠了，內地《澎湃新聞》報道，佢過檔萬達做副總裁，兼任萬達主題娛樂公司總裁，負責管理主題樂園萬達城。
萬達老闆王健林貴為內地首富，一向八足咁多爪，地產、文化影業、娛樂瓣瓣都關佢事，佢曾經踩上海迪士尼，甚至揚言「要讓迪士尼中國的這一塊，財務10年到20年之內賺不了錢」。
王健林打算未來4年，喺內地開15個萬達城，南昌、合肥萬達城現已開業。佢𠵱家搵來做過8年迪士尼嘅金民豪過檔，擺明要挑戰米老鼠嘅吸引力喇。