全國政協副主席董建華早前吹雞，召集港區政協委員喺中聯辦開會傾政協參加選委會。而5年前嘅今日，全國人大常委會副秘書長喬曉陽亦南下深圳，同百幾位港區人大、政協開會傾人大代表選舉。
梁現身疑拉票
咁啱得咁蹺，早前董伯伯開完嗰個會後，全國政協常委陳永棋引述會上冇講特首選舉，只係傾吓點樣協商出51個選委會政協議席人選。
而5年前喬曉陽開完嗰個會後，據知都係冇傾特首選舉，只係喬老爺講解廢票問題時提到，梁振英當年做過監票主任。不過重點其實係梁特當年都有現身，皆因佢係政協常委，梁振英喺敏感時期亮相，自然被指係要向京官以及喺選委會手握近百票嘅人大、政協拉票啦。
到底前排個會同特首選舉有冇關？陳永棋都話明係傾選委會，你話點會冇關啫？相信CY都好關心當中有幾多位ABC政協！