【本報訊】雖然ViuTV對大台帶來的威脅不大，但該台仍然預告來年會加大投資，為申請牌照以來第二度「加碼」，事實上，該台確然成功開拓一班新的觀眾群，面對廣告寒冬，ViuTV總經理魯庭暉仍有信心明年的廣告收入高於今年。
2009年港府接受免費電視牌照時，持有ViuTV的香港電視娛樂只承諾於首三年投資逾6億元，但後來增加至於10年內投資27億元，上周魯庭暉公佈，未來ViuTV將於27億元的基礎上再加大投資，問他如何𠱁得掂老細「開大水喉」？他的答案是「唔使𠱁」，「如果你個小朋友想話讀間好啲嘅小學，咁咪努力啲去讀，佢讀到喎，咁不如再努力啲，讀間好啲嘅中學啦……」，高層願意「加碼」，是基於客觀事實再作出的商業決定。
除對大台的影響不大，業界普遍睇淡明年廣告市道，加上明年奇妙電視加入市場，但魯庭暉仍然淡定，認為ViuTV基數細，增長空間大，「如果TVB係20點收視，我哋嘅空間就係100減TVB嗰啲囉……（明年廣告）好樂觀，當然要審慎啲啦」。