八方之前都提過，唔少政界中人𠵱家每朝起身第一件事係睇《成報》有乜猛料，雖則噚日頭版冇「亂港四人幫」續集，但都再創新猶，別出心裁咁將佢哋過去兩個月嘅文章放埋一齊，hardsell報章銷量節節上升、網站點擊率仲屢創新高，提提各位愛港商人「落廣告，搵《成報》」。
呢篇頭版廣告（圖）話《成報》自從8月登咗一系列重量級文章，即係大派「亂港四人幫」花生後，香港市民無一不為之瘋狂，隨即榮登「政壇天文台」，令呢份報紙變咗港人「每天必讀」，重點當然係好巴閉咁話網站點擊率「屢創新高，全球關注」！八方唔知道究竟佢哋有幾高、有幾全，但就好想知道，邊啲愛港商人咁夠吉士，敢喺德江頭上動土嘅報紙賣廣告？