曼聯隊長朗尼（小圖）今季表現認真麻麻，暫時淨係入得一球，喺周一「雙紅會」更加可能冇正選。不過，翻查紀錄，原來朗尼係正宗大賽球員，因為佢不時喺重要賽事中入波，好似上季紅魔作客紅軍，就係憑佢一箭定江山；而前季曼聯主場贏利物浦3:0一戰，朗尼亦係入球功臣之一。另外，佢噚日又喺ig上載Kai仔同Klay仔彈結他嘅相（圖），睇落又幾有音樂細胞喎。