恭喜晒呀梁特，港大民研顯示佢有近三成支持度，成為眾多疑似特首候選人中支持度最高一位……當然呢，呢個民調係5年前嘅事，往事係咪不回首呢？5年前英文報章《南華早報》委託港大民研做調查，睇睇一班準備入閘嘅特首候選人邊個民望勁啲？
結果顯示，當年頻頻落區備選嘅梁振英，支持度比同年6月急升逾20個百分點，去到29.1%，勁過得14%嘅唐唐同埋得19.2%嘅全國人大常委范徐麗泰，為報名選特首打一支強心針。
其實三成都唔係好高嘅支持度，但睇番最近類同調查，呢三成支持就認真矜貴，好似早前《明報》委託港大進行嘅特首人選民調吖，蓄勢爭連任嘅梁特支持率只係得番18%，今時不同往日，相信唔可以再用挾民望爭入閘咯。