【本報訊】港鐵觀塘延綫下周日通車，紅磡一帶由昔日是船塢、發電廠發展成今日私人屋苑林立的社區，有屹立寶其利街半世紀的文華咖啡冰廳老闆，對港鐵通車效應不予厚望，認為生意刺激作用不大；亦有80後年輕人看好區內前景，去年底創業開滷水店，恐通車效應令業主狂加租。
記者：程俊華 陳家雄
開業半世紀的文華咖啡冰廳，上世紀六十年代至今一直在寶其利街開舖，最出名奶茶、咖啡及菠蘿包。店舖現時由86歲的陳晚成打理，堪稱一名「紅磡通」：「機利士路以前有條大坑渠，只有一邊路行車，另一邊全部係大牌檔，批大牌檔搬過幾次，𠵱家全部入晒街市（紅磡市政大廈）做。」
以前全條路只得4間食肆，近年區內食肆數目倍數增加，但多數做不長，「淨係對面茶餐廳已經轉咗5次手」。陳指出，以前紅磡一帶都是勞動階層工作的地方，「大廠（黃埔船塢）、電燈公司、英泥廠喺呢頭，好旺！寶其利街出面都係成街大牌檔。以前紅磡碼頭又喺附近，呢度好多人幫襯」。
「生意唔會多好多」
對於觀塘綫延綫快將通車，陳晚成不表樂觀，雖然市民可較易出入紅磡區，但「未必對舊式冰室有興趣，生意唔會多好多」。以前寶其利街沒有巴士經過，近年巴士繞路而入，文華門外更有個巴士站，「但生意冇多到㗎，咪又做熟客」。
因為請人難，文華逢星期日休息，陳指就算港鐵通車後，都不打算星期日重新開舖做生意。面積1,500方呎的相連舖位，乃由文華創辦人後人持有，租予陳晚成。「近呢20年，租都有加，但我個個月準時交租，月租6萬幾，出年就要傾租約。如果加少少、接受到，有得做一定做，但加得犀利，我唔夠做咁做乜呀！」
據悉，該舖市值租金料達10萬至12萬元，惟業主一直未有對外放租，文華才得以經營。陳希望文華在港鐵通車後，不會埋沒在歷史洪流中。
另一邊廂，紅磡區早已因通車在即，不少新式食肆加入競爭。由3個80後年輕人創辦的滷水外賣小店百滷薈，去年在紅磡崇志街開店，隨着通車臨近，擔心被業主加租，被迫離開創業之地。
陳敬賢與兩位拍檔，去年12月開設滷水店，地點選擇在車房滿佈的內街崇志街，3人皆非紅磡區居民，對區內不熟悉，選址崇志街全因租金平：「睇過九龍灣、新界多個地方，都冇咁平」。加上預計港鐵快通車，希望較易做生意所以承租。百滷薈面積約400方呎，月租約1.5萬元，低過區內主要街道如德民街逾半。
不過，死約期快到，業主有權加租。「通車後，人流有冇增加唔知道，但業主肯定有憧憬，出面多數舖位都係減租，但相信紅磡會加租。」陳表示，如果業主加租三成至2萬元，將很難維持，便不會續租。