我求大俠睇波嘅年資都唔算淺，不過睇睇吓波竟然天降豬仔，就真係第一次！所講嘅係上周六查爾頓迎戰高雲地利嘅英甲賽事。由於兩隊球迷都唔滿意球會領導層經營球隊嘅方式同方針，所以約好喺比賽鳴笛開波之後，就立即將粉紅色嘅塑膠豬仔掟落場抗議（圖），場面都幾壯觀㗎，仲令到比賽暫停咗五分鐘。結果，今季降班英甲嘅查爾頓就以3:0擊敗包尾嘅高雲地利。